Articles

Catégorie NOSTRADAMUS:

 

 

Pour ceux qui sont curieux comme moi des quatrains et centuries de l'auteur...

 

 

LE CORPUS NOSTRADAMIQUE N°15

6409

Tout inonder, à la Razée perte,

Vol de mur, mort, de tous biens abondance,

Eschapera par manteau de couuerte.

Des neufs & vieux sera tournée chance.

 

6410

La bouche & gorge en seruides pustules,

De sept Grands cinq, toux distillante nuire,

Pluye si longue, à non mort tournent bulles,

Le Grand mourir, qui trestous faisoit luire.

 

6411

Par bruit de feu Grands & Vieux defaillir,

Peste assoupie, vne plus grande naistre,

Peste de l’Ara. foin caché, peu cueillir,

Mourir troupeau fertil, ioye hors prestre.

 

6412

Alegre point, douce fureur au Sacre,

Enflez trois quatre & au costé mourir,

Voye defaillir, n’estre à demi au sacre :

Par sept & trois, & par quinte courir.

 

6500

Pire cent fois cest an que l’an passé,

Mesme aux plus Grands du regne & de l’Esglise,

Maux infinis, mort, exil, ruine, cassé,

A mort Grande estre, peste, playes & bile.

 

6501

Neiges, rouillure, pluyes & playes grandes,

Aux plus Grands ioye, pestilence insopie,

Semences, grains beaucoup, & plus de bandes,

S’apresteront, simulté n’amortie.

 

6502

Entre les Grands naistre grande discorde,

Le Clerc procere vn grand cas brassera :

Nouuelles sectes mettre en haine & discorde,

Tout peuple guerre & change offensera.

 

6503

Secret coniur, changement perilleux,

Secrettement conspirer factions,

Pluyes, grands vents, playes par orgueilleux,

Inonder fleuues, pestifere actions.

 

6504

Pulluler peste, les Sectes s’entrebatre,

Temps moderé, l’hiuer peu de retour,

De messe & presche grieuement soy debatre,

Inonder fluues, maux mortels tout autour.

 

6505

Au menu peuple par debats & querelles,

Et par les femmes & defunts grande guerre,

Mort d’vne Grande, celebrer escrouëlles,

Plus grandes dames expulsées de terre.

 

6506

Viduité tant masles que femelles,

De grands Monarques la vie pericliter,

Peste, fer, faim, grand peril pesle - mesle,

Troubles par changes, petits Grands conciter.

 

6507

Gresle, rouillure, pluyes & grandes playes

Preseruer femmes, seront cause du bruit.

Mort de plusieurs peste, fer, faim par hayes,

Ciel sera veu qu’on dira qu’il reluit.

 

6508

Point ne sera le grain à suffisance,

La mort s’approche à neiger plus que blanc,

Sterilité, grain pourri, d’eau bondance,

Le Grand blessé, plusieurs de mort de flanc.

 

6509

Guere de fruits, ni grain, arbres & arbrisseaux,

Grand volataille, procere stimuler,

Tant temporel que Prelat leonceaux,

TOLANDAD vaincre, proceres reculer.

 

6510

Du tout changé, persecuter l’vn quatre,

Hors maladie, bien loin mortalité,

Des quatre deux plus ne viendront debatre,

Exil, ruine, mort, faim, perplexité.

 

6511

Des Grands le nombre plus grand ne sera tant,

Grands changemens, commotions, fer, peste,

Le peu deuis : prestez, payez contant,

Mois opposite gelée fort moleste.

 

6512

Forte gelée, glace plus que concorde,

Vefues matrones, feu, deploration,

Ieux, esbats, ioye, Mars citera discorde,

Par mariages bonne expectation.

 

6600

Aux plus grands mort, iacture d’honneur, & uiolence

Professeurs de la foy, leur estat, & leur secte,

Aux deux grandes eglises, diuers bruit, decadence,

Maux, uoisins querellans, serfs d’eglise sans teste.

 

6601

Perte, iacture grande, & non sans uiolance

A tous ceux de la Foy, plus à religion:

Les plus grand perdront uie, leur honneur & cheuance,

Toutes les deux eglises, la coulpe à leur faction.

 

6602

A deux fort grande naistre perte pernicieuse

Les plus grands seront perte biens, d’honneur, & de uie,

Tant grands bruits couriront, l’une trop odieuse,

Grands maladies estre messe presche en enuie.

 

6603

Les seruants des eglises leurs Seigneurs trahiront

D’autres Seigneurs aussi par l’indiuis des champs,

Voisins de presche & messe entre eux querelleront,

Rumeurs, bruits augmenter, à mort plusieurs couchants.

 

6604

De tous biens abondance terre nous produira:

Nul bruit de Guerre en France ormis seditions:

Homicides, uoleurs par uoye on trouuera:

Peu de foy: fieure ardante: peuple en esmotion.

 

6605

Entre peuple discorde inimitié brutale

Guerre, mort de grands princes, plusieurs pars d’Italie,

Vniuerselle playe, plus fort occidentale:

Tempore bonne & pleine, mais fort seiche tarie.

 

6606

Les bleds trop n’abonder de tous autres fruits force

L’estè printemps humides, hyuer long, neige, glace:

L’orient mis en armes: la France se renforce:

Mort de bestail, prou miel: aux assiegés la place.

 

6607

Par pestilence & feu, fruits d’arbres periront:

Signe d’huile abonder: pere Denis non gueres:

Des grands mourir mais peu estrangers sailliront:

Insult marin barbare: & dangers de frontieres.

 

6608

Pluies fort excessiues, & de biens abondance:

De bestail pris iust estre: femmes hors de danger:

Gresles, pluyes, tonnerres: peuple abatu en France:

Par mort trauailleront: mort peuple corriger.

 

6609

Armes, plaies cesser: mort de seditieux:

Le pere Liber grand, non trop abondera:

Malins seront saisis par plus malicieux:

France plus que iamais uictrix triomphera.

 

6610

Iusqu’à ce mois durer la seicheresse grande,

A l’Itale & Prouence: des fruits tous à demy:

Le grand moins d’ennemis: prisonnier de leur bande:

Aux escumeurs pyrates, & mourir l’ennemy.

 

6611

L’ennemy tant à craindre retirer en Thracie

Laissant cris hurlemens, & pille desolée:

Cesser bruit mer & terre, religion Murtie:

Iouiaux unis en route:toute ceste affolée.

 

6612

Mars posera les armes: prestres non trop contens:

Malheur sur gens d’eglise tant du presche que messe:

La messe au sus sera. Dieu seul omnipotent

Appaisera le tout, mais non sans grand destresse.

 

6700

Mort, maladie aux ieunes femmes, rheumes

De teste aux yeux, malheur marchands de terre,

De mer infaust, semes mal, vin par brumes,

Prou huile, trop de pluye, aux fruits moleste guerre.

 

6701

Prisons, secrets ennuis, entre proches discorde,

La vie on donnera, par mal diuers catarrhes,

La mort s’en ensuiura, poison fera concorde,

Frayeur, poeur, crainte grade, voyageât lairra d’arres.

 

6702

Prisons par ennemis occults & manifestes,

Voyage ne tiendra, inimitié mortelle,

L’amour trois, simultez, secret, publiques sectes,

Le rompu ruiné, l’eau rompra la querelle.

 

6703

Les ennemis publics, nopces & mariage :

La mort aprés, l’enrichi par les morts,

Les grands amis se monstrer au passage,

Deux sectes iargonner, de surpris tards remords.

 

6704

Par grandes maladies religion fachée,

Par les enfants & legats d’Ambassade,

Don donné à indigne, nouuelle loy lachée,

Biens de vieux peres, Roy en bonne contrade.

 

6705

Du père au fils s’approche : Magistrats dits seueres,

Les grandes nopces, ennemis garbelans,

De latens mis auant, pour la foy d’improperes,

Les bons amis & femmes contre tels groumelans.

 

6706

Par le thresor trouué l’heritage du pere,

Les Rois & Magistrats, les nopces, ennemis,

Le public mal - veuillant, les Iuges & le Maire :

La mort, poeur & frayeur, & trois Grands à mort mis.

 

6707

Encor la mort s’approche, don royal & Legat,

On dressera ce qu’est, par vieillesse, en ruine,

Les ieunes hoirs, de soupcon nul legat,

Thresor trouué en plastres & cuisine.

 

6708

Les ennemis secrets seront emprisonnez :

Les Rois & Magistrats y tiendront la main seure,

La vie de plusieurs, santé, malade yeux, nez,

Les deux Grands s’en iront bien loin à la male heure.

 

6709

Longues langueurs de teste, nopces, ennemi publique

Par Prelat & voyage, songe du Grand, terreur,

Feu & ruine grande, trouué en lieu oblique.

Par torrent de couuert, sortir noues erreurs.

 

6710

Les Rois & Magistrats par les morts la main mettre,

Ieunes filles malades, & des Grands le corps enfle,

Tout par langueurs & nopces, ennemis serfs au maistre,

Les publiques douleurs, le Composeur tout enfle.

 

6711

Du retour d’Ambassade, don de Roy, mis au lieu,

Plus n’en fera : fera allé à DIEV,

Parens plus proches, amis, freres du sang

Trouué tout mort pres du lict & du banc.

 

6712

Enfans, freres & soeurs, amis thresor trouvé :

Le ieune le Prelat, le Legat & voyage,

La maladie, la femme aura prouvé

Que pour la mort changera de visage.

 

6713

Un triste estat sera, toute stats & des sectes

Entre freres & soeurs inimitié, discorde,

Thresors & libertez, plus apparents les testes

Seicheresse l’Esté, mourir ceci à corde.

 

6714

Mourir celuy qui ceci bien accorde...


Posté le 13/04/2008 | 36 consultations | 0 commentaires | Voir et commenter l'article

LE CORPUS NOSTRADAMIQUE N°14

0971

La terre & l'air geleront si grand eau,

Lors qu'on viendra pour Ieudy venerer:

Ce qui sera iamais ne fut si beau,

Des quatre parts le viendront honorer.

 

0972

L'an mil neuf cens nonante neuf sept mois,

Du ciel viendra un grand Roy d'effrayeur:

Resusciter le grand Roy d'Angolmois,

Auant apres Mars regner par bon-heur.

 

0973

Le temps present auecques le passé,

Sera iugé par grand Iouialiste:

Le monde tard luy sera lassé,

Et desloyal par le clergé iuriste.

  

0974

An reuolu du grand nombre septiesme, [Au]

Apparoistra au temps ieux d'Hecatombe:

Non esloigné du grand aage milliesme,

Que les entrez sortiront de leur tombe.

 

0975

Tant attendu ne reuiendra iamais,

Dedans l'Europe en Asie apparoistra:

Vn de la ligue yssu du grand Hermes,

Et sur tous Roys des Orients croistra.

 

0976

Le grand Senat discernera la pompe,

A l'vn qu'apres sera vaincu chassé:

Ses adherans seront à son de trompe

Biens publiez, ennemis dechassez.

 

0977

Trente adherans de l'ordre des quirettes

Bannis, leurs biens donnez ses aduersaires:

Tous leurs bienfaits seront pour demerites,

Classe espargie deliurez aux Corsaires.

 

0978

Subite ioye en subite tristesse,

Sera à Rome aux graces embrassees:

Dueil, bris, pleurs. larm. sang, excellent liesse [cris]

Contraires bandes surprinses & troussees.

 

0979

Les vieux chemins seront tous embellys,

L'on passera à Memphis somentree:

Le grand Mercure d'Hercules fleur de lys,

Faisant trembler terre, mer & contree.

 

0980

Au regne grand du grand regne regnant,

Par force d'armes les grands portes d'airain:

Fera ouurir, le Roy & Duc ioignant,

Port demoly, nef à fons, iour serain. [Fort]

 

0981

Mis tresors temple citadins Hesperiques,

Dans iceluy retiré en secret lieu:

Le temple ouurir les liens fameliques,

Reprens, rauis, proye horrible au milieu.

 

0982

Cris, pleurs, larmes viendront auec couteaux,

Semblant fuyr, donront dernier assaut,

L'entour parques planter profonds plateaux,

Vifs repoussez & meurdris de prinsault. [plin saut]

  

0983

De batailler ne sera donné signe,

Du parc seront contraints de sortir hors:

De Gand l'entour sera cogneu l'enseigne, [l'ensigne]

Qui fera mettre de tous les siens à morts.

 

0984

La naturelle à si hault hault non bas,

Le tard retour fera marris contens:

Le Recloing ne sera sans debats,

En employant & perdant tout son temps.

 

0985

Le vieil tribun au point de la trehemide

Sera pressee, captif ne deliurer,

Le vueil, non vueil, le mal parlant timide,

Par legitime à ses amis liurer.

 

0986

Comme vn gryphon viendra le Roy d'Europe,

Accompagné de ceux d'Aquilon,

De rouges & blancs conduira grand troupe,

Et iront contre le Roy de Babylon.

 

0987

Grand Roy viendra prendre port pres de Nisse,

Le grand empire de la mort si enfera

Aux Antipolles, posera son genisse,

Par mer la Pille tout esuanouyra.

 

0988

Pieds & Cheual à la seconde veille,

Feront entree vastient tout par la mer:

Dedans le poil entrera de Marseille,

Pleurs, crys, & sang, onc nul temps si amer.

 

0989

De brique en marbre seront les murs reduits,

Sept & cinquante annees pacifiques:

Ioye aux humains, renoué l'aqueduict,

Santé, grands fruicts, ioye & temps melifique.

 

0990

Cent fois mourra le tyran inhumain,

Mis à son lieu sçauant & debonnaire,

Tout le Senat sera dessous sa main,

Fasché sera par malin temeraire.

 

0991

Clergé Romain l'an mil six cens & neuf,

Au chef de l'an feras election:

D'vn gris & noir de la Compagne yssu, [Compagnie]

Qui onc ne fut si maling.

 

0992

Deuant le pere l'enfant sera tué,

Le pere apres entre cordes de ionc,

Geneuois peuple sera esuertue,

Gisant le chef au milieu comme vn tronc.

 

0993

La barque neufue receura les voyages,

Là & aupres transfereront l'Empire:

Beaucaire, Arles retiendrons les hostages,

Pres deux colomnes trouuees de Porphire.

 

0994

De Nismes d'Arles, & Vienne contemner,

N'obeyr à ledict d'Hespericque:

Aux labouriez pour le grand condamner,

Six eschappez en habit seraphicque.

 

0995

Dans les Espaignes viendra Roy trespuissant,

Par mer & terre subiugant or Midy:

Ce mal fera, rabaissant le croissant,

Baisser les aisles à ceux du Vendredy.

 

0996

Religion du nom des mers vaincra,

Contre la secte fils Adaluncatif,

Secte obstinée déplorée craindra,

Des deux blessez par Aleph & Aleph.

 

0997

Triremes pleines de tout aage captif,

Temps bon à mal, le doux pour amertume :

Proye à Barbares trop tost seront hatifs,

Cupid de voir plaindre au vent la plume.

 

0998

La splendeur claire à pucelle ioyeuse,

Ne luyra plus, long temps sera sans sel:

Auec marchans, ruffiens, loups odieuse,

Tous pesle mesle, montre vniversel.

 

0999

La fin le loup, le lyon, beuf, & l'asne,

Timide dama seront auec mastins:

Plus ne cherra à eux la douce manne,

Plus vigilance & custode aux mastins.

 

1000

Le grand empire sera par Angleterre,

Le pempotam des ans plus de trois cens:

Grandes copies passer par mer & terre,

Les Lusitains n'en seront pas contens.

 

 

Présages

 

Quatrains reconstitués à partir

des almanachs de 1560 à 1567

 

 

Vers remis en quatrains (quatre par mois) parus au sein des Almanachs (12 par année : les 2 premiers chiffres entre parenthèses indiquent l'année, les 2 suivant le quantième du mois;

exemple : 6007 = année 1560, mois de juillet)

toutefois 00 signale le quatrain pour l'année générale et les

nombres au-delà de 12 quelques quatrains supplémentaires comme il s'en trouve dans l'édition pour l'an 1567.

du quatrain 6000 au 6714

 

6001

Iournée, diete, interim, ne concile,

L'an paix prepare, peste, faim, schismatique,

Mis hors dedans, changer ciel, domicile,

Fin du congé, reuolte hierarchique.

 

6002

Rompre diette, l'antiq sacré r'auoir

Dessoubs les deux, feu pardon s'ensuiure,

Hors d'armes Sacre : long Rouge voudra avoir,

Paix de neglect, l'Esleu le Vefue viure.

 

6003

Fera paroir esleu de nouueauté

Lieu de iournée, sortir hors des limites

la bonté feinte de changer cruauté,

Du lieu suspect sortiront trestous vistes.

 

6004

Du lieu esleu Razes n'estre contens :

Du lac Leman conduite non prouuée,

Renouueller on fera le viel temps,

Espeuillira la trame tant couuée.

 

6005

Pache Allobrox sera interrompu,

Derniere main fera forte leuée,

Grand coniuré ne sera corrompu.

Et la nouvelle alliance approuuée.

 

6006

Feu viril chassé par la nouuelle flamme,

A la parfin sera ce qu'il estoit

Peur, hors du siege, en ioye la grand Dame

Et non tenu tout ce qu'il prometoit.

 

6007

Longue crinite leser le Gouuerneur,

Faim, fièure ardante, feu & de sang fumée,

A tous estats Iouiaux grand honneur,

Sedition par Razes allumée.

 

6008

Peste, faim, feu & ardeur non cessée,

Foudre, grand gresle, temple du ciel frapé,

L'edict, arrest, & grieue loy cassée,

Chef inuenteur ses gens & luy hapé.

 

6009

Priuez seront Razes de leurs harnois :

Augmentera leur plus grande querelle,

Pere Liber deceu fulg. Albanois,

Seront rongées sectes à la moelle.

 

6010

Sera receuë la requeste decente,

Seront chassez & puis remis au sus,

La Grande Grande se trouuera contente,

Aueugles, sourds seront mis au dessus.

 

6011

Ne sera mis, les Nouueaux dechassez,

Noir & de LOIN & le Grand tiendra fort,

Recourir armes, Exilez plus chassez,

Chanter victoire, non libres reconfort.

 

6012

Les deuls laissez, supremes alliances,

Raze Grand mort, refus fait à l'entrée :

De retour estre, bienfait en oubliance,

La mort du iuste à banquet perpetrée.

 

6100

Le Roy Roy n'estre du Doux la pernicie,

L'an pestilent, les esmeus nubileux,

Tien' qui tiendra, des Grands non leticie,

Et passera terme de cauilleux.

 

6101

... naistre nay, refuse, dur fait

... emprinse, de changement refus

... rne, puis descouuert au faict,

... ent assailly, mort confus.

 

6102

Renfort de sieges manubis & maniples

Changez le sacre & passe sus le prosne,

Prins et captif n'arreste les prez triples

Plus profond mis, eslevé, mis au trosne.

 

6103

Au pied du mur le cendré cordigere,

L'enclos liuré foulant caualerie

Du temple hors Mars & le Falcigere

Hors mis, demis & sus la resuerie.

 

6104

Le temps purgé, pestilente tempeste,

barbare insult, fureur, inuasion,

Maux infinis par ce mois nous apprestre,

Et les plus Grands, deux mois, d'irrision.

 

6105

Ioye non longue, abandonné des siens,

L'an pestilent, le plus Grand assailli,

La Dame bonne aux champs Elysiens,

Et la plus part des biens froid non cueilli.

 

6106

Courses de LOIN, ne s'aprester conflits,

Triste entreprise, l'air pestilent, hideux,

De toutes parts les Grands seront afflits,

Et dix & sept assaillir vint & deux.

 

6107

Repris, rendu, espouuanté du mal,

Le sang par bas, & les faces hideuses,

Aux plu sçauants l'ignare espouuantal :

Perte, haine, horreur, tomber bas la piteuse.

 

6108

Mort & saisi, des nonchalans le change

S'eslongnera en s'approchant plus fort,

Serrez vnis en la ruine, grange,

Par secours long estonné le plus fort.

 

6109

L'Occident libre les isles Britanniques

Le recongneu passer le bas, puis haut

Ne content triste Rebel. Corss. Escotiques

Puis rebeller par glus & par nuict chaut.

 

6110

Gris, blancs & noirs, enfumez & froquez

Seront remis, demis, mis en leurs sieges,

les Rauasseurs se trouueront moquez :

Et les Vestales serrées en fortes riegges.

 

6111

La stratageme simulte sera rare

La mort envoye rebelle par contree

Par le retour du voyage Barbare

Exalteront la protestante entree.

 

6112

Vents chaut, conseil, pleurs & timidité

De nuict au lict assailly sans les armes,

D'oppression grande calamité,

L'epithalame conuerty pleurs & larmes.

 

6200

Saison d'hiuer, ver bon, sain, mal esté,

Pernicieux auton, sec, froment rare,

Du vin assez mal yeux faits molesté

Guerre, mutins seditieuse tare.

 

6201

Desir occult pour le Bon paruiendra,

Religion, paix, amour & concorde,

L'epithalame du tout ne s'accordra,

Les haut qui bas, & haut mis à la corde.

 

6202

Pour Razes Chef ne paruiendra à bout,

Edits changez les serrez mis au large,

Mort Grand trouué moins de foy bas debout,

Dissimulé, transi frapé à bauge.

 

6203

Esmeu de LOIN, de LOIN prés minera,

Pris, captiué, pacifié par femme,

Tant ne tiendra comme on barginera

Mis non passez oster de rage l'ame.

 

6204

De LOIN viendra susciter pour mouuoir,

Vain decouuert contre peuple infini,

De nul congneu le mal pour le deuoir,

En la cuisine trouué mort & fini.

 

6205

Rien d'accordé, pire plus fort & trouble,

Comm'il estoit, terre & mer tranquiller,

Tout arresté ne vaudra pas vn double,

Dira l'iniq, Conseil d'anichiler.

 

6206

Portenteux fait, horrible & incroyable !

Typhon fera esmouuoir les meschans :

Qui puis apres soustenus par le cable,

Et la plus part exilez sur les champs.

 

6207

Droit mis au throsne du ciel venu en France,

Pacifié par vertu l'vniuers,

Plus sang espandre, bien tost tournée chance

Par les oyseaux, par feu, & non par vers.

 

6208

Les coulorez, les Sacres malcontens :

Puis tout à coup par Androgyns alegres,

De la plus part voir, non venu le temps,

Plusieurs d'entre eux feront leurs soupes maigres.

 

6209

Remis seront en leur pleine puissance,

D'vn point d'accord conioints, non accordez,

Tous defiez, plus aux Razes fiance,

Plusieurs d'entre eux à bande debordez.

 

6210

Par le Legat du terrestre & marin

La grande Cape à tout s'accommoder,

Estre à l'escoute tacite LORVARIN,

Qu'à son aduis ne voudra accorder.

 

6211

D'ennemy vent empeschera la troupe,

Le plus grand point mis auant difficil,

Vin de poison se mettra dans la coupe,

Passer sans mal de cheual gros foussil.

 

6212

Par le cristal l'entreprise rompue,

Ieux & festins, de LOIN plus reposer,

Plus ne fera prés des Grands sa repue,

Subit catarrhe l'eau beniste arrouser.

 

6300

Le ver sain, sang, mais esmeu rien d'accord,

Infinis murtres, captifs, morts, preuenus,

Tant d'eau & peste, peu de tout sonnez cors,

Pris, morts, fuits, grands devenir, venus.

 

6301

Tant d'eau, tant morts, tant d'armes esmouuoir,

Rien d'accordé, le Grand tenu captif,

Que ƒang humain, rage, fureur n'auoir,

Tard penitent, peste, guerre, motif.

 

6302

Des ennemis mort de langue s'approche,

Le Debonnaire en paix voudra reduire,

Les obstinez voudront perdre la poche,

Surpris, captifs, & suspects fureur nuire.

 

6303

Peres & meres morts de deuls infinis,

Femmes à deul, la pestilente monstre,

Le Grand plus n'estre, tout le monde finir,

Soubs paix, repos, & trestous alencontre.

 

6304

En debats Princes & Chrestienté esmeue,

Gentils estranges, siege à CHRIST molesté,

Venu tres mal : prou bien, mortelle veue,

Mort Orient, peste, faim, mal traité.

 

6305

Terre trembler, tué, prodige, monstre :

Captifs sans nombre, faire defaite, faite,

D'aller sur mer aduiendra malencontre,

Fier contre fier mal fait de contrefaire.

 

6306

L'inuiste bas fort lon molestera,

Gresle, inonder, thresor, & graué marbre,

Chef de suard peuple à mort tuera,

Et attachée sera la lame à l'arbre.

 

6307

De quel non mal ? inexcusable suite,

Le feu non deul, le Legat hors confus,

Au plus blessé ne sera faite luite,

La fin de Iun le fil coupé du fus.

 

6308

Bons finement affoiblis par accords,

Mars & Prelats vnis n'arresteront,

Les Grands confus, par dons incidez corps,

Dignes indignes bien indeus saisiront.

 

6309

De bien en mal le temps se changera,

Le pache d'Aust, des plus Grands esperance,

Des Grands deul, LVIS trop plus trebuchera,

Congnus Razes pouuoir ni congnoissance.

 

6310

Voicy le mois par maux tant à doubter,

Morts, tous saigner, peste, faim, quereller,

Ceux du rebours d'exil viendront noter,

Grands, secrets, morts, non de contreroller.

 

6311

Par mort mort mordre, conseil, vol, pestifere,

On n'osera Marius assaillir,

Deucalion vn dernier trouble faire,

Peu de gens ieunes : demi morts ressaillir.

 

6312

Mort par despit fera les autres luire :

Et en haut lieu de grands maux advenir,

Tristes concepts à chacun viendront nuire,

Temporel digne, la Messe paruenir.

 

6400

L'an sextil pluyes froment abonder, haines,

Aux hommes ioye, Princes, Rois en diuorce,

Troupeau perir mutations humaines,

Peuple affoulé, & poison soubs l'escorce.

 

6401

Temps fort diuers, discorde descouuerte,

Conseil belliq, changement pris, changé,

La Grande n'estre, coniurez, par eau perte,

Grand simulté, tous au plus Grand rangé.

 

6402

Deluge grand, bruit de mort conspirée,

Renoué siecle, trois Grands en grand discord,

Par boutefeux la concorde empirée,

Pluye empeschant, conseils malins d'accord.

 

6403

Entre Rois haines on verra apparoistre,

Dissensions & guerres commencer,

Grands changemens, nouueau tumulte croistre,

L'ordre plebée on viendra offenser.

 

6404

Secret coniur, conspirer populaire,

La decouuerte en machine esmouuoir,

Contre les Grands ...

 

Puis trucidée & mise sans pouuoir.

 

6405

Temps inconstant, fieures, peste, langueurs,

Guerres, debats, temps desolé sans feindre,

Submersions, Prince à mineurs rigueurs,

Felices Rois & Grands, autres mort craindre.

 

6406

Du lieu feu mis la peste & fuite naistre,

Temps variant, vent, la mort de trois Grands :

Du ciel grands foudres, estat des Razes paistre,

Vieil pres de mort, bois peu dedans vergans.

 

6407

En peril monde & Rois feliciter,

Razes esmeus, par conseil ce qu'estoit,

L'Eglise Rois pour eux peuple irriter,

Vn monstrera apres ce qu'il n'estoit.

 

6408

Deluge prés, peste bouine, neuue

Secte flechir aux hommes ioye vaine,

De loy sans loy mis au deuant pour preuue,

Apast, embuche : & deceus couper veine.

 


Posté le 13/04/2008 | 42 consultations | 0 commentaires | Voir et commenter l'article

LE CORPUS NOSTRADAMIQUE N°13

0881

Le Roy rusé entendra ses embusches,

De trois quartiers ennemis assaillir:

Vn nombre estrange larmes de coqueluches,

Viendra Lemprin du traducteur faillir.

 

0882

Par le deluge & pestilence forte,

La cité grande de long temps assiegee:

La sentinelle & garde de main morte,

Subite prinse, mais de nulle outragee.

 

0883

Sol vingt de Taurus si fort terre trembler,

Le grand theatre remply ruinera:

L’air, ciel & terre obscurcir & troubler,

Lors l’infidelle Dieu & saincts voguera.

 

0884

Roy exposé parfera l’hecatombe,

Apres auoir trouué son origine:

Torrent ouurir de marbre & plomb la tombe,

D’vn grand Romain d’enseigne Medusine.

 

0885

Passer Guienne, Languedoc & le Rosne,

D’Agen tenant de Marmande & la Roolle:

D’ouurir par foy parroy, Phocen tiendra son trosne

Conflict aupres saint Pol de Manseole.

 

0886

De bourg Lareyne parviendront droit à Chartres

Et feront pres du pont Anthoni pause,

Sept pour la paix cauteleux comme Martres,

Feront entree d’armee à Paris clause.

 

0887

Par la forest du Touphon essartee,

Par hermitage sera posé le temple,

Le Duc d’Estampes par sa ruse inuentee.

Du mont Lehori prelat donra exemple.

 

0888

Calais Arras, secours à Theroanne,

Paix & semblant simulera l’escoutte,

Soulde d’Alobrox descendre par Roane.

Destornay peuple qui defera la routte.

 

0889

Sept ans sera Philipp. fortune prospere,

Rabaissera des Arabes l’effort,

Puis son midy perplex rebors affaire

Ieune ognion abismera son fort.

 

0890

Vn capitaine de la Grand Germanie

Se viendra rendre par simulé secours

Au Roy des Roys aide de Pannonie,

Que sa reuolte fera de sang grand cours.

 

0891

L’horrible peste Perynthe & Nicopolle,

Le Chersonnez tiendra & Marceloyne,

La Thessalie vastera l’Amphipolle,

Mal incogneu, & le refus d’Anthoine.

 

0892

Le Roy voudra en cité neufue entrer,

Par ennemis expugner l’on viendra

Captif libere faux dire & perpetrer,

Roy dehors estre, loin d’ennemis tiendra.

 

0893

Les ennemis du fort bien esloignez,

Par chariots conduict le bastion.

Par sur les murs de Bourges esgrongnez

Quand Hercules battra l’Hæmathion. [bastira]

 

0894

Foibles galeres seront vnies ensemble,

Ennemis faux le plus fort en rampart:

Foibles assaillies Vratislaue tremble,

Lubecq & Mysne tiendront barbare part.

 

0895

Le nouueau faict conduira l’exercite,

Proche apamé iusqu’aupres du riuage:

Tendant secours de Millannoile eslite,

Duc yeux priué à Milan fer de cage.

 

0896

Dans cité entrer exercit desniee,

Duc entrera par persuasion,

Aux foibles portes clam armee amenee,

Mettront feu, mort, de sang effusion.

 

0897

De mer copies en trois pars diuisées,

A la seconde les viures failliront,

Desesperez cherchant champs Helisees,

Premiers en breche entrez victoire auront.

 

0898

Les affligez par faute d’vn seul taint,

Contremenant à partie opposite,

Aux Lygonnois mandera que contraint

Seront de rendre le grand chef de Molite.

 

0899

Vent Aquilon fera partir le siege,

Par meurs ietter cendres, chaux, & poussiere:

Par pluye apres, qui leur fera bien piege,

Dernier secours encontre leur frontiere.

 

0900

Naualle pugne nuit sera superee,

Le feu aux naues à l’Occident ruine:

Rubriche neufue, la grand nef coloree,

Ire à vaincu, & victoire en bruine.

 

0901

A l’ennemy, l’ennemy foy promise

Ne se tiendra, les captifs retenus:

Prins preme mort, & le reste en chemise.

Damné le reste pour estre soustenus.

 

0902

Voille gallere voil de nef cachera,

La grande classe viendra sortir la moindre,

Dix naues proches le tourneront pousser,

Grande vaincue vnies à soy ioindre.

 

0903

En apres cinq troupeaux ne mettra hors

Vn fuitif pour Penelon laschera,

Faux murmurer, secours venir par lors, [vnir]

Le chef le siege lors abandonnera.

 

0904

Sur la minuict conducteur de l’armee

Se sauuera subit esuanouy,

Sept ans apres la fame non blasmee,

A son retour ne dira onc ouy.

 

0905

Albi & Castres feront nouuelle ligue,

Neuf Arriens Lis bon & Portugues,

Carcas, Tholouse consumeront leur brigue,

Quand chef neuf monstre [istra] de Lauragues.

 

0906

Sardon Nemaus si haut deborderont,

Qu’on cuidera Deucalion renaistre.

Dans le collosse la plus part fuyront,

Vesta sepulchre feu esteint apparoistre.

 

0907

Le grand conflit qu’on appreste à Nancy,

L’Æmathien dira tout ie soubmets,

L’Isle Britanne par vin sel en soucy: [solcy]

Hem, mi. deux Phi. long temps ne tiendra Mets.

 

0908

Index & poulse parfondera le front,

De Senegalia le Comte à son fils propre,

La Myrnamee par plusieurs de prin front,

Trois dans sept iours blessés morts.

 

0909

De Castillon figuieres iour de brune,

De femme infame naistra souuerain Prince:

Surnom de chausses perhume luy posthume,

Onc Roy ne fut si pire en sa prouince.

 

0910

Tasche de meurdre, enormes adulteres,

Grand ennemy de tout le genre humain:

Que sera pire qu’ayeuls, oncles ne peres,

Enfer, feu, eaux, sanguin & inhumain.

 

0911

Dessous Ionchere du dangereux passage,

Fera passer le posthume sa bande.

Les monts Pyrens passer hors son bagage,

De Parpignan courira duc à Tende.

 

0912

Esleu en pape, d’esleu sera mocqué,

Subit soudain esmeu prompt & timide,

Par trop bon doux à mourir prouoqué,

Crainte esteinte la nuict de sa mort guide.

 

0913

Souz la pasture d’animaux ruminant,

Par eux conduicts au ventre herbipolique, [helbipolique]

Soldats cachez, les armes bruit menant,

Non loin temptez de cité Antipolique.

 

0914

Vrnel Vaucile sans conseil de soy-mesme,

Hardi, timide, par crainte prins vaincu,

Accompagné de plusieurs putains blesmes.

A Barcellonne aux Chartreux conuaincu.

 

0915

Pere duc vieux d’ans & de soif chargé,

Au iour extreme fils desniant l’esguiere,

Dedans le puits vif mort viendra plongé,

Senat au fil la mort longue et legere.

 

0916

Heureux au regne de France, heureux de vie,

Ignorant sang, mort fureur & rapine:

Par non flateurs sera mis en enuie,

Roy desrobé, trop de foy en cuisine.

 

0917

La Royne Ergaste voyant sa fille blesme, [estrange]

Par vn regret dans l’estomach enclos:

Cris lamentables seront lors d’Angolesme,

Et au germain mariage fort clos. [forclos]

 

0918

Le rang Lorrain fera place à Vendosme,

Le haut mis bas, & le bas mis en haut,

Le fils d’Hamon sera esleu dans Rome,

Et les deux grands seront mis en defaut.

 

0919

Iour que sera par Royne saluee,

Le iour après le Salut, la Priere:

Le compte fait raison & valbuee,

Parauant humble oncques ne fut si fiere.

 

0920

Tous les amis qu’auront tenu party,

Pour rude en lettres mis mort & saccagé,

Biens publiez par fixe grand neanty,

Onc Romain peuple ne fut tant outragé.

 

0921

Par le despit du Roy soustenant moindre,

Sera meurdry luy presentant les bagues:

Le pere au fils voulant noblesse